Poesia

Cu nu fogliu biancu
Na penna a manu
Cercu l' ispirazione pe' scrivere na poesia
Me dummandu e pensu
C' e' pote essere poesia ?
La mente pensa e la manu scrive
Poesia, ete na mamma ca mbrazza e bacia
Lu piccinnu sou.
Poesia ete nu vecchiareddhu sittatu nanti l' uscita te casa
Cu na coppola an capu, nu bastone consumatu
Ntra le mane
Ca se gode l' urtime sciurnate te sule cautu te settembre
Ete lu furnaru, lu contadini
Poesia ete nu semplice cristianu
Ca te parla cu lu core e te tai buoni consigli
Lu sule, lu mare, lu cielu ....
Tuttu po' divintare poesia
Tuttu po' divintare amore
Tuttu dipende da comu vuardi e piensi