Roddrha cu le mane

Roddrha cu le mane
'ntra la cascia te lu tata
'ncí su le robbe cu se cangia pe' n'autra fiata!
Cu stu paesaggiu te ulie siccate
Lu contadinu chiange lacrime salate!
Roddrha cu le mane 'ntra la mattrha quand'è china
Ci cu faci lu pane, se troa la farina.
Ne sittamu 'ntaula osce a menzatia
Pe' crai speriamu cu se fatia!
Roddrha cu le mane 'ntra lu stanatu,
Chinu te acqua e lissia cu ne lavamu te stu mucatu!
Roddrha cu la capu 'ntra lu passatu,
Ca a Santu Pietru lu futuru nun c'è riatu!
Roddrha cu l'uecchi stu paise scoraggiatu,
Ca li cristiani chianu chianu hannu bandunatu!
Roddrha cu le mane 'ntra le paute vacanti
Ci se troa nu picchi te speranza pe' tutti quanti!